Yaponiyaning Yokogama universitetining bir guruh olimlari bir necha millimeter kattalikdagi “mini jigar”ni yaratishga muvaffaq bo‘ldi, deb yozadi “RIA Novosti”. U xuddi odam organi kabi samara bilan ishlaydi.
Mitti organni yetishtirish uchun olimlar turli organlar hujayralarini shakllantirishga qodir bo‘lgan sun’iy plyuripotent tana hujayralari (iPS)dan foydalandi.
Tajribada qatnashgan mutaxassislar ta’kidlashicha, o‘stirilgan mitti jigar inson jigari bilan tengma-teng ravishda albumin oqsillarni samarali tarzda ishlab chiqarish, zararli moddalarni, shu jumladan, ammiakni qayta ishlash qobiliyatiga ega.
Klinik sinovlar 2019-yildan boshlanishi mumkin. Olimlar yetishtirilgan mitti organlarni jigar faoliyatidagi yetishmovchilikdan azob chekuvchi bemorlarga ko‘chirib o‘tkazishni rejalashtirmoqda.
Manba
