Yuzni yaxshi xolatda saqlash usullaridan biri uqalashdir. Massaj kosmetikada eng zarur muolajalardan xisoblanadi. Massaj yaxshi nafas olishga, organizmning tog'ri modda almashinuviga yordam beradi, qon aylanishini yaxshilaydi. Shu bilan birga zaxarli toksik moddalarni chiqarib yurishda ta’siri benixoya katta.
Lekin massaj faqat tog'ri, terining o'ziga xos tuzilishini xisobga olgan xolda amalga oshirilsagina foyda beradi. Shuning uchun massajda malakali kosmetolog xizmatidan foydalangan ma’qul. Uyda bilib – bilmay massaj qilish aks ta’sir ko'rsatib, teriga yordam berish o'rniga uni shikastlashi, yuk ajinlarni xam paydo qilishi mumkin.
Shunga qaramay, massajning murakkab bo'lmagan usullarini bilib qo'yish xam
foydadan xoli emas. Xar kuni yuzga krem qo'yishda 3 – 5 dakika davomida uni massaj usullaridan foydalanib surting. Ukalash yuz terisiga foydali bo'lib kolmay, balki kremning teriga yaxshi singishiga xam yordam beradi.
Massajda qo'l xarakatlari oxista, mayin bajariladi. Terini qattiq bosish, tortish yaramaydi. Massaj yunalishlari yuzning quyidagi qismlarida joylashgan: iyak o'rtasidan pastki jar bo'ylab qulok tomon; ogiz burchaklari, burun qanotlaridan quloqning yuqori qismi tomon; burunning yon tomonlaridan chakka tomon; yuqori qovoq terisida – ko'zning ichki burchagidan tashqi burchagiga; pastki qovoq terisida – ko'zning tashqi burchagidan ichki burchagi tomon; burunda – burun boshidan uchiga tomon, o'rtasidan ikki yon tomonga; peshonada – peshona o'rtasidan ikki chakka tomon va koshlardan tepaga; bo'yinda – bo'yin o'rtasida pastdan tepaga, yon tomondan esa tepadan pastga.
Ushbu yo'nalishlar bo'yicha terini silash, barmoq uchlari bilan ozxista urish va chimchilash xarakatlarini bajarishingiz mumkin. Bundan tashqari xar kuni yuzni shapillatib urish, puflash uni osib qolishdan saqlaydi.
