Xarare aeroportida Janubiy Afrika Respublikasi uchun mo‘ljallangan yangi banknotalar ortilgan yuk samolyotidan murda topilgach, u Zimbabve hukumati tomonidan to‘xtatib qolingan edi. Endi esa unga mamlakatni tark etish va Pretoriyaga uchib ketish uchun ruxsat berildi. Bu haqda “Korrespondent.net” xabar bermoqda.
Aeroport xizmatchi xodimlari samolyot fyuzelyaj (korpus)ida qon izlarini ko‘rib qolgan, shundan so‘ng havoni konditsiyalash blokidan murda topilgan edi.
Marhum noqonuniy muhojir bo‘lgani taxmin etilmoqda. Murda yorib ko‘rilgach, u nafasi qaytib o‘lgani ma’lum bo‘ldi. Marhumning cho‘ntagidan Indoneziyadan keltirilgan gugurt qutisi topildi.
Germaniyadan amalga oshirilgan reys bortida JAR markaziy banki uchun mo‘ljallangan bir necha million dollarlik yangi Janubiy Afrika kupyuralari bo‘lgan.
