Zimbabvedagi harbiy o‘quv mashg‘ulotlari chog‘ida otilgan zenit o‘qi o‘z trayektoriyasidan chiqib ketdi va 7 kilometr uzoqlikdagi maktabga borib tushdi. Natijada bir o‘quvchi halok bo‘ldi, ikkinchisi og‘ir yaralandi, deb yozadi “TASS”.
Fojia mamlakat poytaxti Xararedan 60 km masofadagi Darvendal shahrida, ta’til oldidan darslarning so‘nggi kunida sodir bo‘ldi.
“Jangovar o‘q o‘z trayektoriyasidan og‘ib, 7 kilometrgacha uchib bordi va bolalarga zarba berdi”, — dedi armiya vakili. Uning so‘zlariga ko‘ra, Zimbabve maxsus topshiriqli bo‘linmalariga kiruvchi Inkomo parashyut batalyoni bazasida o‘quv mashqlari olib borilayotgan bo‘lgan.
Manba
