2015 yil uchun adabiyot yo'nalishida Nobel mukofoti taniqli belarus yozuvchisi Svetlana Aleksievichga taqdim etildi. Bu haqda 8 oktyabr kuni Stokgolmda Shved akademiyasining doimiy kotibi Sara Danius ma'lum qildi.
Adabiyot yo'nalishi XIX asr so'ngida shved sanoatchisi va ixtirochisi Alfred Nobel ta'sis etgan besh mukofotning biri hisoblanadi.
Taqdirlash marosimi an'anaga muvofiq, Nobel mukofoti asoschisi vafot etgan sana – 10 dekabr kuni Stokgolmda bo'lib o'tadi. Mukofot puli qiymati esa 2015 yilda 8 million shved kronasi (953 ming dollar)ni tashkil etadi.
O'tgan yilda bu mukofot frantsiyalik Partik Modianoga topshirilgandi.
9 oktyabr kuni tinchlik yo'nalishida Nobel mukofoti o'z egasini topadi.
