Bir kishining oldiga Boylik va Kambag‘allik kelib, so‘rashibdi:
- Qay birimiz chiroyliroqmiz?
Kishi qo‘rqib, o‘ylabdi: “Kambag‘allikni chiroyli desam, Boylikning jalhi chiqib, ketib qoladi, Boylik ajoyib desam, Kambag‘allik achchiqlanib, meni qiynaydi”.
Bir oz o‘ylab, keyin shuday debdi:
- Hozir shunday joyda turibsizlarki, men hal qila olmayapman. Sizlar biroz aylaninglar.
Boylik va Kambag‘allik u yoqqa bu yoqqa aylanishipti.
Ularga qarab, u kishi aytibdi:
- Sen Kambag‘allik ketayotganingda orqangdan juda chiroyli ko‘rinasan. Boylik sen kelayotganingda chindan ham a’lo darajadasan.
