Agar oyiga 250 ming dollar ishlab topayotgan ishbilarmondan biznesini tortib olib, bir chaqasiz qoldirsangiz nima bo'ladi?... yarim yildan so‘ng u yana shuncha mablag‘ ishlab topayotgan bo‘ladi. Biron chora qidiradi, kechasi bilan tinmay ishlaydi, chirmashib harakat qiladi, lekin nimanidir o‘ylab topadi, o‘zi va oilasini ta’minlaydi.
Agar oyiga 1000 dollar olishgacha erishgan va mansabga intilayotgan yosh xodimni katta kompaniyadagi ishidan bo‘shatib yuborishsa nima bo'ladi?... U holdan toyguncha tashkilotlarga rezyume jo‘natadi, eski tanishlarini yo‘qlab qoladi va kadrlar bo‘limlariga telefon qiladi. O‘z ko‘nglidagi oylikni olishga (yoki yarim yilda o‘sha darajaga) erishmaguncha tinchimaydi.
Agar biron supermarketdagi sotuvchini ishdan bo‘shatishsa va bir oyda topayotgan 200 dollardan mahrum etishsa nima bo'ladi?... Dastlab u dugonalariga dardini aytib zorlanadi, lekin biroz o‘tmay mamnun holda boshqa supermarketlarning biriga, hech bo‘lmaganda ofitsiantlika ishga joylashadi. Shu bilan oyiga 200 dollarini o‘ziga qaytaradi.
Agar “hamkasblari”dan tortib olgan vokzaldagi joyida tilanchilik orqasidan oyiga 50 dollar sadaqa yig‘adigan juldur kiyimli ko‘cha daydisini aholi gavjum joylarini bilmaydigan boshqa bir shaharga olib borib qo‘yilsa nima bo'ladi?... Siz mantiqni tushundingiz, to‘g‘rimi?
Har kimning miyasida qandaydir ”pul ssenariysi“ bo‘ladi. ”Pul ssenariysi“ - bu o‘zida qancha pul bo‘lishi kerakligi va uni qanday usullar bilan to‘g‘ri ishlab topish haqidagi ma’lumotdir.
- Daydining xayoliga ishga joylashish fikri kelmaydi.
- supermarketdagi sotuvchida esa kattaroq kompaniyaga rezyume jo‘natish fikri tug‘ilmaydi.
- Mansabga intilayotgan xodim esa o‘z firmasini ochish haqida o‘ylab ko‘rmaydi.
- Tadbirkorning miyasiga sadaqa so‘rash yoki ishga joylashish fikri kelmaydi.
Gooper.uz uchun maxsus
