Shveysariyaning
Jeneva shahrida shu yilning 7 mart kuni "Geneva International Motor Show
2013" - xalqaro avtomobil saloni ko’rgazmasi ochiladi. 1924 yildan buyon har
yili o’tkaziladigan mazkur ko’rgazma jahon avtomobil olamidagi eng yirik voqealardan
biri hisoblanadi. Joriy yilda u o’zining 83 yilligini nishonlaydi. Ushbu xalqaro
ko’rgazmada bu safar Audi, BMW, Fiat, Ford, Hyundai, Infiniti, Jaguar, Kia,
Lamborghini, Mazda, Mersedes-Benz, Alfa Romeo, Porsche, Skoda, Volkswagen,
Volvo kabi dunyoning yetakchi avtombilsozlik kompaniyalari o’z yangiliklari -
yangi yaratilgan ashinalari bilan ishtirok etadilar. Yana bir yangilik.
Jenevadagi motor-shouda Chevrolet kompaniyasi tomonidan ishlab chiqarilgan
yangi elektrik Spark EV avtomobili namoyish
etiladi. Ekologik toza mazkur yangi turdagi avtomobil hajmi kichik bo’lsa-da,
katta quvvatga ega ekani aytilmoqda. Mashinadagi litiy-ionli batareyani atigi
20 daqiqa ichida, uning akkumulyatorini esa 6-8 soat ichida quvvat oldirish mumkin.
Ayni payt Spark Evning bahosi sir tutilmoqda. Bu qulay, shinam va benzinda
yurmaydigan, shu orqali xamyonga putur yetkazmaydigan mashina 2014 yildan
boshlab sotuvga qo’yiladi. "Geneva International Motor Show 2013" -
xalqaro avtomobil saloni ko’rgazmasi 7-17 mart kunlari bo’lib o’tadi.
