Samsung’ning Galaxy S7 va Galaxy S7 Edge flagmanlarining matbuot uchun atalgan ilk suratlari internetda paydo bo‘ldi, deb yozadi “Hi-tech.mail.ru”. Ularni taniqli insayder Evan Blass e’lon qildi.
Suratlar bilan birga, qurilmalarning batafsil texnik tasniflari ham keltirildi. Ularga ko‘ra, flagmanlar 2 terabaytgacha bo‘lgan hajmli microSD xotira kartasi uchun slotga, shuningdek, IP67 sertifikatiga ega bo‘ladi — smartfonlar chang va namlikdan himoyalanadi.
S7’ni 100 daqiqa ichida to‘liq zaryadlash mumkin bo‘ladi. Akkumulyatorning o‘zi 3000 mA/soat sig‘imli.
Yangi flagman smartfonlari taqdimoti 22—25-fevral kunlari Barselonadagi Mobile World Congress 2016 anjumanida bo‘lib o‘tadi.
