Google Shri-Lanka aholisini yuqori tezlikdagi internet bilan ta'minlamoqchi. Internetga ulanish Hind okeani uzra uchiriladigan havo sharlaridan amalga oshiriladi. Bu haqda Yahoo News xabar bermoqda.
“Butun Shri-Lanka oroli janubdan shimolga tomon Google Loon uslubi yordamida yuqori tezlikdagi internet bilan ta'minlanadi”, deb aytdi Shri-Lanka yuqori texnologiyalar vaziri Mangala Samareveera. Shu tariqa Shri-Lanka Janubiy Osiyodagi internet bilan to'liq qamralgan birinchi davlatga aylanadi.
Havo sharlariga, shuningdek, mahalliy internet-provayderlar ham ko'rsatilayotgan aloqa xizmatlarining tezligi va sifatini oshirish uchun ulanadi.
2016 yilning martigacha havo sharlarini tayyorlash ishlari o'z yakuniga etadi. Ular tijoriy samolyotlar uchadigan balandlikdan 2 barobar kattaroq balandlikka ko'tariladi.
Shri-Lanka aholisini internetga chiqish bilan ta'minlash Project Loon dasturining bir qismi hisoblanadi. Bu dastur doirasida Google quyosh batareyalaridan quvvatlanuvchi yuqori texnologik qurilmalar bilan jihozlangan havo sharlaridan internet ulashadi. Google’da ta'kidlanishicha, ushbu loyiha sayyoramizning etib borish qiyin bo'lgan va kambag'al mintaqalari aholisi uchun internetga chiqishni taqdim qiladi.
Internet tezligi 3-avlod mobil tarmoqlaridagi kabi tezlikda bo'ladi.
