Hindistonda Holi nomi bilan mashhur bo'lgan bahoriy bayram bo'lib o'tdi. Bu kunda hindistonliklar an'anaga binoan bir-birlariga rangli bo'yoqlar surkashadi va kunni xursandchilik bilan o'tkazishadi, deb yozadi "KUN.UZ".
Holi bayrami qish ustidan bahorning g'alaba qilishi ramzi hisoblanib, uni yovuzlik ustidan ezgulikning g'alaba qilishiga qiyoslashadi. Bu kunda uzilib ketgan aloqalar tiklanadi, "dushmanlar" yarashadi, odalar o'ynab-kulishadi va katta guruhlar bo'lib xursandchiliklar qilishadi.
Diniy bayram hisoblanadigan Holi bayrami bahor festivaliga aylanib ketadi. Uni sevgi tantanalari deb ham atashadi.
Bugungi kunda uning nishonlanish hududi kengaygan, bayram nafaqat Hindistonda, Nepal, Pokiston, Fiji, AQSh va Yevropada ham o'tkaziladi.
