O‘zbekiston Milliy kutubxonasida O‘zbekiston xalq shoiri, O‘zbekiston Qahramoni Abdulla Oripov tavalludining 75 yilligiga bag‘ishlangan ijodiy uchrashuv bo‘lib o‘tdi. Bu haqda Xurshid Davronning Facebook’dagi sahifasida xabar berilgan.
Ijodiy kechada so‘zga chiqqanlar Abdulla Oripovning hozirgi o‘zbek adabiyoti va zamonaviy tarjimashunoslik rivojiga qo‘shgan hissasini e’tirof etib o‘tdi. Pedagogika fanlari doktori, professor Qozoqboy Yo‘ldoshev shoir asarlarining milliy ruhiyatga ta’siri, O‘zbekiston xalq shoiri Usmon Azim Abdulla Oripov she’riyatida ruh ozodligi talqini haqida so‘zlagan bo‘lsa, O‘zbekiston xalq shoiri Xurshid Davron Abdulla Oripovning ustozlik xislatlariga alohida to‘xtaldi.
“Jahon adabiyoti” jurnali bosh muharriri Shuhrat Rizayev “Abdulla Oripovning tarjimonlik faoliyati” mavzusida chiqish qildi, “O‘zbekiston” nashriyoti direktori o‘rinbosari Ashurali Jo‘rayev esa “Abdulla Oripov ijodida publitsistik ruh” mavzusini yoritdi.
Uchrashuv so‘ngida Abdulla Oripov ijodiy uchrashuv ishtirokchilariga minnatdorlik bildirib, yangi she’rlaridan o‘qib berdi.
Manba
