Samarqandda elektromobillarning shuhrati ortmoqda. Bu haqda “Samarkandskiy vestnik” nashrida berilgan maqolada aytildi.
“Shahrimizda eng ko'p sayyoh keladigan joylardan biri Toshkent ko'chasidir. Bu erda hunarmandlar markazi, do'konlar va savdo qatorlari joylashgan. Bu erda hunarmandchilik namunalarini xarid qilish va ustalarning mahorati bilan yaqindan tanishish mumkin. 2 km li ekskursion yo'nalish uzun tuyulganlar ixtiyoriga ega qulay elektromobillar topshirilgan”, – deyiladi materialda.
Aytilishicha, ayni paytda Sherlar xiyobonida elektr quvvati asosida ishlaydigan 10 o'rinli 4ta va 6 o'rinli 2ta turistik mikroavtobus ishlab turibdi.
Elektromobillar soatiga 30 km tezlik bilan yurishi mumkin. Bitta quvvatlantirishda ular 60-80 km masofani bosib o'tadi. Bu ma'lumotlarni nashrga “Samarqand avtotexxizmat” AJ raisi o'rinbosari Obidjon Rahmonov taqdim qildi.
SamDU professori A. Rahmatullaevning aytishicha, shahar havosining buzilishiga 75-80 foiz mashinalardan ajralayotgan gazlar sabab bo'lmoqda. Shu bois kelajakda elektromobillarning miqdorini ko'paytirish shahar ekologiyasiga ijobiy ta'sir o'tkazadi.
