Samsung Mobile World Congress ko`rgazmasida “aqlli” oyoq kiyimni namoyish etadi. Bu haqda “Gazeta.ru” xabariga asoslanib "Darakchi" ma'lum qildi.
Ushbu oyoq kiyimni Samsung's Creative Lab xodimlari tomonidan tuzilgan Salted Venture kompaniyasi ishlab chiqdi.
Yangi oyoq kiyim sensor bilan ta`minlangan. Ular oyoq kiyim egasidan qabul qilingan ma`lumotlarga asoslanib, oyoq kiyimni qulay kiyish borasida tavsiyalar beradi.
Hozirda Iofit deb nomlanuvchi mazkur oyoq kiyimlarining ikki xil ko`rinishi ishlab chiqarishi rejalashtirilgan. Birinchi turdagi oyoq kiyim an`anaviy krossovkaga o`xshaydi. Ikkinchisi esa golf o`ynash uchun mo`ljallangan oyoq kiyimni eslatadi.
“Aqlli” oyoq kiyimlarning narxi ham ma`lum qilindi. Krossovkalar 199 dollar, golf oyoq kiyimi esa 299 dollardan sotiladi.
