Rossiya Suriya kurdlariga agar Turkiya ularga qarshi hujum uyushtiradigan bo`lsa, himoya qilishga va`da berdi. Agar Anqara shu tarzda davom etadigan bo`lsa, “katta urush” boshlanib ketishi mumkin. Bu haqda “Lenta.ru” nashri xabariga asoslanib "Darakchi" ma'lumot bermoqda.
“Rossiya hujumga qarshi javob bermoqchi, ammo u nafaqat kurdlarni, balki butun boshli Suriya hududini himoya qilgan bo`ladi. Rossiyaning havo-kosmik kuchlari Suriyaning Turkiya bilan chegaradosh bo`lgan Aleppo viloyatidagi kurd ko`ngilli askarlariga ham yordam bermoqda. Agar Turkiya qarshi harakat qilmaganda vaziyat bir muncha boshqacha tus olgan bo`lardi”, — dedi Suriya Kurdistonining Moskvadagi vakolatxonasi rahbari Rodi Osman.
O`z navbatida Suriya oppozisiyasining Moskvadagi vakili Qadri Jamil Rossiya suriyalik kurdlarga havo orqali jangovor qurollar yetkazib berayotganini, Suriya armiyasi esa Rossiyada taqiqlangan “Islom Davlati” guruhiga qarshi kurash olib borayotganini, kurd ko`ngilli askarlari esa ularga mos harakat qilayotgani haqida gapirdi.
2015 yilning 30 sentyabridan beri Rossiya aviasiyasi Suriya prezidentining iltimosi bilan mamlakat hududidagi antiterrorchilik operasiyasida ishtirok etmoqda.
