Rossiyalik milliarder, Londonning "Arsenal" jamoasi aktsionerlaridan biri Alisher Usmonov o'zining jamoa aktsiyalarining 30 foiziga egalik qila boshlagani haqidagi xabarlarni tasdiqladi va jamoaga "uzoq muddatli investitsiya" kiritishni mo'ljallayotgani haqida aytib o'tdi deb yozadi "KUN.UZ".
Usmonov "kanonirlar" jamoasi aktsionerlaridan biri bo'lgan, Red Eamp; White Holdings Limited kompaniyasi rahbari Farhod Mashiriydan aktsiyalarni sotib olganini tasdiqlagan. Endilikda u Red Eamp; White kompaniyasining 100 foizlik aktsiyalariga egalik qiladi. Uning Arsenal Holdings PLC holdingidagi ulushi 14,58 foizdan 30,04 foizga ortgan.
Usmonov 2007 yilda "Arsenal"ning 14,58 foiz aktsiyalarini sotib olgan edi.
"Men endilikda Farhod Mashiriyning aktsiyalar paketini sotib oldim va "Arsenal"dagi ulushimni 30 foizga oshirdim. Lekin bu Angliyadagi boshqa jamoaning katta miqdordagi aktsiyalariga egalik qilishimga xalal bermaydi", deya Usmonovning so'zlaridan iqtibos keltiradi The Telegraph.
Bundan oldinroq, Alisher Usmonov "&verton" jamoasining yangi egasiga aylangani haqida xabar paydo bo'lgandi. Lekin bu ma'lumot keyinroq inkor qilindi.