Xalqaro olimpiya qo‘mitasi (XOQ) ijroiya qo‘mitasi Rio-de-Janeyroda 5—21-avgust kunlari bo‘lib o‘tadigan Olimpiada o‘yinlarida ishtirok etishi uchun qochoqlar jamoasi tuzilishi g‘oyasini ma’qulladi. Bu haqda XOQ prezidenti Tomas Bax ma’lum qildi, deya xabar beradi “TASS”.
“Ushbu terma jamoaga 5—10 nafar sportchi kiradi, deb o‘ylayman. Bunday jamoani tuzib, butun dunyodagi qochoqlarga umid baxsh etishni istaymiz”, — deya ta’kidlagan Bax.
Qochoqlar jamoasi olimpiya bayrog‘i ostida ishtirok etadi, ularni taqdirlash marosimida ham olimpiya madhiyasi yangraydi. Sportchilar ishtiroki bilan bog‘liq barcha xarajatlarni XOQ qoshidagi “Olimpiya birdamligi” tashkiloti o‘z zimmasiga oladi.
Manba
