Strategy Analytics kompaniyasining mutaxassislari smartfonlar bozori bo'yicha 2015 yilning to'rttinchi choragi hamda butun yilga yakun yasashdi. Ularning hisob-kitoblariga ko'ra, o'tgan yilning so'nggi choragida 404,5 mln. dona qurilma savdoga chiqarilgan. Bu 2014 yilning to'rttinchi choragiga nisbatan 6% ko'p. Ta'kidlash lozimki, to'rttinchi chorakdagi o'sish kuzatuvlar davomidagi eng pasti bo'ldi.
2015 yilda smartfonlarni yetkazib berish hajmi 12% ga o'sib, 1,4 milliard donaga yetdi. Strategy Analytics agentligi tadqiqotchilarining ta'kidlashicha, o'sish avvalgi yillarga nisbatan sezilarli darajada pasaygan. 2015 yilning to'rtinchi choragida o'sish 2014 yilning shu davriga nisbatana 6% ga ko'p bo'ldi. Agentlikning fikricha, bu mazkur sanoatning paydo bo'lganidan beri engpast rivojlanish sur'ati bo'lib, buni Xitoy kabi yirik bozorlarda smartfonga ega bo'lishni istaganlarning barchasi smartfonni sotib olib bo'lganligi bilan bog'lashmoqda.
2015 yilning to'rtinchi choragi yakunlariga ko'ra, ishlab chiqarish bo'yicha yetakchilik Samsungga tegishli bo'lib, kompaniya mahsulot hajmini 2014 yilning shu davriga nisbatan 9% ga oshirdi. E'tiborlisi shundaki, bu Samsung uchun nafaqat o'rtacha o'sishdan baland natija, balki kompaniyaning oxirgi ikki yildagi eng yuqori ko'rsatkichi bo'ldi. Samsung kompaniyasining ulushi yil yakunlari bo'yicha 22,2% ni tashkil etdi. Apple da esa, aksincha, o'tgan yilda o'sish 1% dan kam bo'ldi. 2015 yil yakunlari bo'yicha bozorning 16,1% Apple ga tegishli bo'ldi. Yil natijalariga ko'ra, birinchi beshlikka, shuningdek, Huawei (7,4% ), Lenovo-Motorola (5,1%) va Xiaomi (5,0%) kompaniyalari kirdi. 2015 yilda shu beshta yirik ishlab chiqaruvchi umumiy hisobda smartfonlarning 55,8% ni yetkazib berishdi.
