Alabama shtatida tibbiy vertolyot halokatga uchradi. AL.com portalining mahalliy hukumatga asoslanib xabar qilishicha, bu hodisa oqibatida 4 kishi halok bo'lgan, deb yozadi "KUN.UZ".
Dastlabki ma'lumotlarga ko'ra, ushbu voqea natijasida uchuvchi, hamshira, shifokor va bemor halok bo'lgan. Xabarda aytilishicha, vertolyot bilan aloqa 26 mart kunining ikkinchi yarmida, mahalliy vaqt bilan soat 12:17da uzilib qolgan. Shundan 3 daqiqa o'tib, vertolyot qulagani aytilgan.
Vertolyot oyog'i singan va hushsiz bemorni shifoxonaga olib ketayotgan bo'lgan. Uni Montgomeridagi shifoxonaga yetkazish kerak bo'lgan.
Hodisa sababi aytilmagan, ayni vaqtda hududda maxsus guruh ish olib bormoqda.
