Angliyaning “Arsenal” klubi hissadorlaridan biri hisoblangan rossiyalik tadbirkor Alisher Usmonov jamoa bosh murabbiyi Arsen Venger haqida fikr bildirdi, deb xabar qiladi “Uff.uz”.
“‘Arsenal’ning natijalari barqaror ko‘rinishda. Klub har doim Premyer-liga yetakchilari qatorida bormoqda. Har qanday sport turida ham ko‘tarilishlar va pasayishlar davri bo‘ladi. Klub o‘zining asosiy timsoli bo‘lgan murabbiyni albatta saqlab qolishi lozim. ‘Arsenal’ni bir necha yil davomida ta’qib qilgan omadsizliklar tufayli hozir uning murabbiylik pozitsiyasi kuchsizlanib qolgan.
Arsen Venger — buyuk murabbiy, deb hisoblayman. ‘Arsenal’ uni albatta saqlab qolishi lozim”, — deydi Usmonov.
Eslatib o‘tamiz, fevral oyida Usmonov “Arsenal” klubidagi aksiyalar ulushini 30,04 foizgacha oshirdi.
Manba
