Taniqli tadbirkor Alisher Usmonov Rossiyaning soliq rezidenti degan maqomdan ajraldi. Sabab u 2015 yilning aksar qismida xorijda bo'lgan. Bu haqida Rossiya federal soliq xizmati manbasiga tayanib, RBK xabar berdi, deb yozadi "KUN.UZ".
Manbaning ma'lum qilishicha, Usmonovning 2015 yil uchun daromadlari to'g'risidagi Deklaratsiyasi 1 aprelga qadar topshirilishi kerak. Shundagina hujjat bo'yicha soliq rezidenti emasligini aytish mumkin bo'ladi. Rossiyadagi tadbirkorlik faoliyatini ham shunga ko'ra davom ettiradi.
USM Holdings kompaniyasi vakili, Usmonov aktivlari boshqaruvchisining tasdiqlashicha, o'tgan yili sezilarli darajadagi ko'p vaqtni xorijda o'tkazgan. Bu xalqaro miqyosdagi faoliyati bilan ham bog'liq. Chunki u hozirda Xalqaro qilichbozlik federatsiyasi prezidenti va Xalqaro olimpiya qo'mitasining olimpiya telekanalini rivojlantirish komissiyasi a'zosi hisoblanandi.
So'nggi bir necha yilda Alisher Usmonov jismoniy shaxs sifatida Rossiyada 350 million dollar soliq to'lagan. USM kompaniyasi esa o'tgan 2015 yil uchun 100 mlrd rubl(taxminan1,6 $ mlrd)lik to'lovni amalga oshirgan.
Soliq rezidentligi Rossiya hududida 183 kundan kam bo'lmagan muddatda yashovchi, fuqaroligi bo'lmagan shaxslarga beriladi. Soliq rezidentlari butun dunyo bo'ylab olgan daromadi bo'yicha, soliq rezidenti bo'lmaganlar esa Rossiyadagi daromadlariga qarab soliq to'laydi.
Alisher Usmonov USM Holdings, Metalloinvest, Megafon, Mail.ru, Group va DST Global, YuTV Xolding» kompaniyalari egasi sanaladi. Forbes jurnali talqiniga ko'ra, Alisher Usmonov 14,4 milliard dollarlik mablag'ga ega.
