Rossiya futbol ittifoqi tadbirkor Alisher Usmonov bilan qarzni restrukturizatsiya qilish (qarzni to‘lash muddatini va qarz shartlarini qayta ko‘rib chiqish) haqida kelishib oldi, deya xabar bermoqda “Vedomosti” tashkilot bosh direktori Aleksandr Alayevga tayanib.
“RFI prezidenti Vitaliy Mutko o‘tkazgan muzokaralar yakunlari bo‘yicha Alisher Usmonov oldidagi qarzni restrukturizatsiya qilishga muvaffaq bo‘ldik”, — dedi u.
Avvalroq Usmonov RFIga bir necha marta moliyaviy ko‘mak bergandi. Bular, xususan, Rossiya termasining sobiq bosh murabbiyi Fabio Kapello bilan bog‘liq qarzdorliklar, shuningdek, milliy jamoaning Yevropa chempionati—2016’ga chiqishi uchun mukofotlar bilan bog‘liq qarzlar bo‘yicha yordamlardir.
Manba
