Amerikaning Michigan shtatida yashovchi saraton kasalligiga chalingan 90 yoshli Norma ismli ayol o`ziga qo`yilgan tashxisni eshitib, shifoxonaga yotish o`rniga o`g`lining oilasi bilan birga uzoq muddatli safarga otlandi. Shifokorlar ham bu sayohat ayolga foyda keltirishi mumkinligini tasdiqlashdi deb xabar berdi “Vesti.ru” nashri.
Ayol umrining so`nggi kunlarini shifoxonada o`tkazgandan ko`ra, yaqin insonlari bilan birga sayohatda bo`lishni afzal ko`rdi. U o`g`li Tim, kelini Remi va Ring laqabli kuchugi bilan avtomobilda Amerikani, Evropani va Xitoyni aylandi. U boshdan kechirgan sarguzashtlari haqida “Feysbuk”dagi sahifasida foydalanuvchilar bilan o`rtoqlashdi. Norma yaqinlari bilan olti oydan beri dunyo kezib yuribdi. Kelini Remining aytishicha, qaynonasining kayfiyati a`lo darajada, aqli-hushi joyida va hali ham hazil-mutoyiba hissini yo`qotmagan. Buni ustiga sayohat Normaga ijobiy ta`sir qilib, uning sog`ligi tiklangan.
