Argentina hukumati restrukturizatsiyadan bosh tortgan kreditorlardan yana bir guruhi bilan 250 million dollar va 185 million yevro (200 million dollar) qarzini uzish haqida kelishuvga erishdi, deya xabar bermoqda “TASS” Buenos-Ayres va kreditorlar o‘rtasidagi muzokaralarda vositachilik qilgan Daniel Pollakka tayanib.
Clarin gazetasi yozishicha, bunda gap Lightwater Corp, Old Castle Holdings, VR Capital, Procella Holdings va Capital Ventures International fondlari haqida bormoqda. Bitim shartlari oshkor etilmayapti.
Argentina iqtisodiyot va moliya vaziri so‘zlariga ko‘ra, Buenos-Ayres ayni paytgacha AQSh sudlarida Argentina qarzlariga e’tiroz bildirayotgan kreditorlarning uchdan bir qismi bilan kelishishga erishgan. Uning aytishicha, respublikaning umumiy qarzdorligi taxminan 20 milliard dollarni tashkil etadi. Qarzini to‘lash uchun Buenos-Ayres 15 milliard dollarlik obligatsiyalarni chiqarmoqchi.
Manba
