Argentina Federal sudyasi Klaudio Bonadio mamlakatning sobiq bosh vaziri Anibal Fernandez va Tukuman provinsiyasi gubernatori Xuan Mansurga nisbatan korrupsiya bo‘yicha ayblov qo‘ydi. Bu haqda Telesur telekanali bergan ma’lumotlarga asosan “RIA Novosti” xabar qilmoqda.
Ma’lum qilinishicha, ayblanuvchilar Quinta ijtimoiy dasturi doirasida kam ta’minlangan homilador ayollarga mo‘ljallangan yordamni sun’iy ravishda oshirilgan narxlarda xarid qilishga va uyushtirilgan tenderlarda aniqlangan korrupsiyaga aloqador bo‘lgan.
Homilador ayollarga ko‘rsatiladigan bu turdagi yordam Mansur Sog‘liqni saqlash vaziri lavozimini egallab turgan vaqtda boshlanib, undan keyingi vazir Daniel Goyyan davrida ham davom ettirilgan.
Sud ayblanuvchilarning 440 million peso (29,9 million dollarga yaqin) qiymatidagi shaxsiy mol-mulkini vaqtincha xatlashga qaror qildi.
