AQShning Perdyu universiteti parhezshunoslari yuqori darajada oqsil iste'moli semirish bilan azob chekayotganlar kattalarning uyqusini yaxshilashini aniqlashdi. Tadqiqot American Journal of Clinical Nutrition nashrida chop etildi, deb yozadi "KUN.UZ".
Olimlar oqsil miqdori ko'p bo'lgan va energetik miqdori kam bo'lgan taomlarni iste'mol qilish ortiqcha og'irlikdan qiynalayotgan odamlarga qanday ta'sir qilishini tekshirishmoqchi bo'lishdi. Buning uchun ular ikkita tajriba o'tkazishdi. Boshida 53 yoshdan 59 yoshgacha bo'lgan tanasining vazn indeksi yuqori bo'lgan 14 nafar kishi mol, cho'chqa go'shtlari, soya va dukkakli mahsulotlarga asoslangan parhezga amal qilishdi. Har oyning yakunida qatnashuvchilar uyqularining sifatini baholashdi. Natijada oqsilning organizmdagi miqdorining qo'payishi va uyquning sifati oshishi kuzatilgan.
Ikkinchi tadqiqotda 51 yoshdan 53 yoshgacha bo'lgan 44 qatnashuvchilar ishtirok etdi. Ular ikki guruhga ajratilgan: birinchi guruhda protein miqdori kamroq bo'lgan mahsulotlarni, ikkinchisida esa oqsil miqdori yuqori bo'lgan mahsulotlar iste'mol qilingan. Bu tajriba 16 hafta davom etgan, birinchi guruhning uyqusida o'zgarish ko'rinmagan, ikkinchisida esa uyqu yaxshilangan.
