Melburn shahrida oq chumchuq qayd qilindi. Mutaxassislarning ta'kidlashicha, bunday chumchuqning dunyoga kelishi ehtimoli milliondan birga tengdir.
The Sidney Morning Herald nashrining yozishicha, qushchani havaskor kuzatuvchi Bob Uinters suratga olishga muvaffaq bo'lgan.
Aniqlanishicha, chumchuq sakkiz oylik. U rangi tufayli inidan quvilishi va yirtqichlarga yem bo'lishi mumkin edi, ammo u tirik qolgan.
Ekspertlarning ta'kidlashicha, chumchuq rangi tufayli juftini topishga qiynaladi, shu bois undan oq chumchuqlar tarqalishi ehtimoli juda kam.
