Buyuk Britaniyalik bog‘bonlar gullarga qanday musiqa yoqishini aniqlash maqsadida tajriba o‘tkazishgan. Tajribali bog‘bon Kris Birdshouning ta’kidlashicha, og‘ir rokni tinglagan gullar tezroq, kattaroq va chiroyliroq o‘sarkan.
Uning bu gapini mutaxassislar tomonidan o‘tkazilgan tajriba ham isbotladi. Gulchilar uchta issiqxonaga bir xil gullardan ekib chiqishgach, birida klassik, ikkinchisida og‘ir rok va uchinchisida zamonaviy pop musiqa qo‘yib gullarni parvarishlay boshlashgan.
Eng qizig‘i, klassik musiqa gullarning o‘sishiga zig‘ircha ham ta’sir ko‘rsatmagan. Og‘ir rokni tinglagan gullar esa bo‘yiga o‘smagan bo‘lsa-da, yaprog‘u g‘unchalari mustahkam va chiroyli bo‘lib o‘sa boshlagan. Qolaversa, ushbu gullarda kasalliklarga chidamlilik xususiyati paydo bo‘lgan. Faqat zamonaviy pop musiqa sadolarini eshitishga majbur etilgan gullar ochilmay turiboq so‘lib qolgan.
Demak, gullarda ham musiqani tinglash qobiliyati borga o‘xshaydi. Biroq bu boshqa mavzu. :)
