Sputnik, Mixail Alayeddin. Suriya prezidenti Bashar Asad 13-aprel sanasida mamlakatda parlament saylovlarini oʻtkazish toʻgʻrisida farmon eʼlon qildi, deb xabar bermoqda "Sputnik News".
Suriyada qurollangan mojaro boshlangandan buyon, parlament saylovlari ikkinchi marotaba oʻtkazilmoqda.
Mamlakatda oxirgi parlament saylovlari 2012-yilning may oyida oʻtkazilgan boʻlib, unda ovoz berish huquqiga ega fuqorolarning 51% ishtirok etgan.
Bashar Asad, shuningdek, xorij ommaviy axborot vositalariga bergan intervyularida, mamlakatda oʻtkaziladigan parlament saylovlari bilan bir qatorda, navbatdan tashqari oʻtkazilishi mumkin boʻlgan prezident saylovlari haqida ham koʻp takrorlagan. Davlat rahbarining soʻzlariga qaraganda, aksariyat suriyaliklar uni qoʻllab-quvvatlashlarini bildirganlar. Shu bois, kelajakda oʻtkaziladigan prezident saylovlarida Asad yana oʻz nomzodini qoʻyishini maʼlum qilgan.
