Eng yirik aloqa operatori “Beeline” poytaxtning 209-maktabi to‘qqizinchi sinf o‘quvchilari uchun kompaniyaning Markaziy ofisida ekskursiya-trening o‘tkazdi. Tadbirning asosiy maqsadi – bitiruvchilarning 12 yillik umumiy majburiy ta‘limga bo‘lgan qiziqishlarini oshirish va kelgusi kasblarini tanlashda ko‘mak berish bo‘ldi.
“Innovatsion kompaniyaning bosh ofisida bo‘lgan ekskursiyaga 9-sinflarning barcha o‘quvchilarida katta qiziqish uyg‘otganini belgilash yoqimli, - deydi 209-maktab direktori v.b. Olga Ten. – Bitiruvchi sinflar o‘quvchilari bilan kasb tanlashga oid bo‘lgan tadbirlar o‘tkazish – maktabning asosiy masalalaridan biridir, va bu borada o‘quvchilarga to‘g‘ri yo‘l ko‘rsatish va qiziqtirish muhimdir. Biz ekskursiya o‘tkazish g‘oyasi bilan aynan “Beeline” kompaniyasiga murojaat qilganimiz sababi, ko‘p bolalar uchun bu haqiqiy mo‘ljal va ularning orzularidagi kompaniyadir. Maktabimiz bitiruvchilari bilan o‘tkazilgan iliq, qiziqarli va, ishonamanki, foydali uchrashuv uchun “Beeline” rahbariyati va xodimlariga ulkan minnatdorchilik bildiramiz!”
O‘quvchilarga telekom-sohasi va kompaniya rivojlanishi tarixi haqida videotaqdimot ko‘rsatildi. Bolalar uyali aloqa va kompaniya faoliyati to‘g‘risida barcha qiziqtiruvchi savollar berdilar, va ularga jamoatchilik bilan aloqalar xizmati rahbari Oraz Abdurazakov va jamoa bilan ishlash va tashkiliy rivojlantirish bo‘yicha direktor Yekaterina Agandjanova jabov berdilar. Kompaniyaning korporativ treneri Sofiya Gaynutdinova o‘tkazgan o‘yin shaklidagi trening uchrashuvga yanada qiziquv va jonlantirish kiritdi.