Futbol bo‘yicha Urugvay terma jamoasi hujumchisi Luis Suares JCh—2018 saralashi doirasida Braziliya termasi mag‘lub etilishiga umid qilyapti, deb xabar berdi “Championat.com”. Shu munosabat bilan hujumchi “Barselona”dagi sherigi va Braziliya termasi hujumchisi Neymarni ham yodga olib o‘tdi.
“Biz bu o‘yin oldidan Neymar bilan gamburgerdan garov bog‘ladik. Tabiiyki, uchrashuvda mag‘lub bo‘lgan gamburger pulini to‘laydi. G‘olib tomon esa omaddan zavqlanadi”, — dedi futbolchi.
“Neymar yaxshi do‘st, biz u bilan bir-birimizga doimo hazil qilamiz. Ikkimiz ham o‘z terma jamoamiz tarkibida bor kuchimiz bilan harakat qilamiz”, — dedi Luis Suares El Mundo Deportivo nashriga bergan intervyusida.
Braziliya va Urugvay terma jamoalari o‘rtasidagi o‘yin 26-mart, shanba kuni bo‘lib o‘tadi. Saralashning 4-turidan keyin Urugvay 9 ochko bilan 2-o‘rinda borayotgan bo‘lsa, 3-pog‘onadan joy olgan Braziliya hisobida 7 ochko mavjud.
Manba
