Chevrolet kompaniyasi Pekin avtosalonida yangicha qudratli motor va ikkita ssepleniyega ega Cruze (sedan) avtomobilining yangi avlodi taqdimotini o‘tkazdi. Avvalroq kompaniya Amerika bozori uchun Cruze’ning yangilangan ko‘rinishini taqdim etgan edi, biroq ayni vaqtda tamomila qayta ishlab chiqilgan model haqida so‘z yuritilib, u sotuvga 2015-yil oxiri yoki 2016-yilning boshlarida chiqariladi. Bu haqda “Motor” nashri xabar berdi.
Yangi Cruze 2012-yilda taqdim qilingan Tru prototipi asosida yaratilgan. Dizaynerlarning fikriga ko‘ra, uning kuzovi shaklan kupega o‘xshash qilib ishlangan. Chevrolet’ning ushbu sedanda mujassam bo‘lgan Design with a Heartbeat (ya’ni “hayajonlantiruvchi” dizayn) shiori ostida yaratilgan yangi uslubi kompaniyaning kelgusidagi modellari taraqqiyoti yo‘nalishini belgilab berishi lozim.
Cruze sedani General Motors va Xitoyning SAIC konsernlari hamkorligida ishlab chiqarilgan Ecotec deb ataluvchi yangi avlod motorlariga ega bo‘lgan Chevrolet’ning ilk mashinasi hisoblanadi.
