Chexiya sog‘liqni saqlash vazirligi respublikada Zika virusi aniqlanishi bilan bog‘liq dastlabki ikkita holatni tasdiqladi, deb yozadi “RIA Novosti” davlat televideniyesiga tayanib.
“Sog‘liqni saqlash vazirligi tasdiqlaganidek, respublikada Zika virusi aniqlanishi bilan bog‘liq ilk ikkita holat qayd etildi, — deyiladi xabarda. — Tafsilotlarni sog‘liqni saqlash vaziri Svatopluk Nemechek maxsus matbuot anjumanida ma’lum qiladi”. Anjuman Toshkent vaqti bilan 25-fevral kuni 15:00 da bo‘lib o‘tadi.
Zika bezgagi — maymunlar o‘tkir infeksiyali kasalligi bo‘lib, ba’zan odamga chivinlar orqali yuqadi va bezarar kechadigan bezgak bilan tavsiflanadi. Avvalroq AQShda Zika bezgagining odamdan odamga yuqishi bilan bog‘liq birinchi holat qayd etilgan edi. Virus homilador ayollar uchun o‘ta xavflidir, chunki u homilada miyaning potensial og‘ir shikastlanishiga olib keluvchi mikrotsefaliya (boshning normadan kichik bo‘lishi)ni keltirib chiqarishi mumkin.
