Rossiya kontingentining Suriyadan olib chiqilishi muzokaralar natijasi emas, balki prezident Vladimir Putinning qarori bo‘lgan. Bu haqda Rossiya prezidentining matbuot kotibi Dmitriy Peskov ma’lum qildi, deya xabar beradi “RIA Novosti”.
“Bu Rossiya prezidenti — oliy bosh qo‘mondonning Suriyadagi kontingentimiz faoliyati yakunlari bo‘yicha qabul qilgan qarori. Ya’ni, erishilgan natijalardan kelib chiqib, prezident qo‘yilgan asosiy maqsad umuman olganda bajarilgani to‘g‘risidagi xulosaga keldi. Bu qaror muzokaralar chog‘ida muhokama qilinmagan”, — deya ta’kidlagan Peskov.
Eslatib o‘tamiz, Vladimir Putin 14-mart, dushanba kuni Rossiya qo‘shinlarini Suriyadan olib chiqishni boshlash haqida buyruq berdi.
15-mart, seshanba kunidan boshlab samolyotlarning birinchi guruhi Xmeymim aviabazasidan Rossiyaga yo'l oldi.
Manba
