Fransiya apellyatsion sudi Matye Valbuenaga nisbatan tovlamachilik ishi bo‘yicha “Real Madrid” jamoasi hujumchisi Karim Benzemadan nazoratni qisman olib tashladi. Bu haqda “Chempionat” xabar bermoqda.
“Adolat qaror topdi va biz birinchi bosqichdan o‘tib oldik. Biz o‘zimizni tabriklasak bo‘ladi. Benzemaning aybsiz ekanini isbotlash uchun ishlashda davom etamiz”, — deydi Benzemaning advokati.
Qayd etish joiz, Karim Benzemadan barcha ayblovlar olib tashlanmagan, ammo sud qaroriga ko‘ra, u “Lion” yarim himoyachisi Valbuena bilan muloqot qilishi mumkin.
Fevral oyida sud Benzemadan Valbuena bilan muloqot qilish bo‘yicha taqiqni olib tashlagan edi. Prokuror bu qaror ustidan zudlik bilan apellyatsiya berdi. Mart oyida ko‘rib chiqilgan apellyatsiya rad etildi. Endilikda “Real” hujumchisi Fransiya terma jamoasiga qaytishi va joriy yilning yozida o‘z vatanida o‘tkaziladigan Yevropa chempionatida Valbuena bilan birgalikda ishtirok etishi mumkin.
Eslatib o‘tamiz, Benzema Valbuenadan uning ishqiy munosabatlari tasvirlangan shaxsiy videoyozuvni oshkor etmaslik uchun pul talab qilganlikda ayblanib, sudda ko‘rsatma bergan. Fransiya futbol federatsiyasi Valbuenani shantaj qilish ishi yuzasidan 2015-yilning dekabrida Benzemani terma jamoadan vaqtincha chetlashtirgandi.
