Futbolda chiroyli zarbalar, gollar yoki Ronaldoning soch turmagidan ham qiziqroq narsa – futbolchilar butun o‘yin davomida qancha yugurishlari haqida qiziqqanmisiz? Gizmondo sayti shu borada o‘z tekshiruvlarini olib bordi va natijalarni e’lon qildi.
Futbolchilardan o‘yin davomida eng ko‘p yugurishiga to‘g‘ri keladiganlari bu yarim himoyachilar bo‘lib, darvozabonlarda eng kam ko‘rsatkich ko‘rsatiladi. Lekin, shunga qaramay umumiy jamoa hisobida futbolchilar o‘rtacha 11,3 kilometr yugurishadi. Eng ko‘p yugurish esa 15,3 kilometrni tashkil etadi. Maydondagi jami 22 futbolchi esa 90 daqiqa davomida 250 km yugurishlari mumkin.
Quyida futbolchilar bilan basketbolchi hamda amerikacha futbol o‘yinchilarining yugurish masofalarini taqoslashingiz mumkin:
Basketbol
Amerika basketbol assosiatsiyasining 2012-yil ma’lumotlariga ko‘ra, eng ko‘p yuguruvchi basketbolchi Luol Deng bo‘lgan va u qayd etgan natija 4,5 kilometrni tashkil etgan.
Amerikancha futbol
Ushbu futbol turidagi sportchilar 90 metrlik maydonda harakat qilishsa ham, butun o‘yin davomida o‘rtacha 11 daqiqa yugurishlariga to‘g‘ri kelar ekan. Shu bois o‘yinda har bir o‘yinchi o‘rtacha 2 km yuguradi.
