Bryusselda tashkil etilgan Salon du Chocolat diplomatik missiya doirasida O‘zbekiston delegatsiyasi a’zolari Belgiyaning eng yirik qandolat mahsulotlari ishlab chiqaruvchilari: Guylian, Leonidas, Vanpatys, Benoit Nihant, Van Dender va boshqa kompaniya vakillari bilan uchrashdi. Uchrashuvdan maqsad O‘zbekistonning oziq-ovqat sanoatiga investitsiyalar va innovatsion texnoligiyalarni jalb qilishdan iborat bo‘ldi. Bu haqda "Jahon” axborot agentligi xabar berdi.
Muzokara davomida O‘zbekistonda shokolad fabrikasi qurilishi loyihasida Belgiya kompaniyalari ishtiroki muhokama qilindi. Tadbirkorlar 2013-yilda O‘zbekistonda oziq-ovqat sanoatining modernizatsiya qilinishi va boshqa ijtimoiy-iqtisodiy yutuqlar haqida har tomonlama ma’lumotga ega bo‘ldi.
Ishtirokchilar O‘zbekiston bozorlariga nisbatan qiziqish borligini e’tirof etdi va birgalikda ishlab chiqarishni yo‘lga qo‘yish uchun hamkorlik qilish tarafdori ekanligini bildirdi.