Odamzod aqlini tanibdiki, shu savolga javob izlaydi. Bundan olti yil avval olimlar oyni butunlay suvsiz, quruq samoviy jism deb uzil-kesil xulosalagandi. Ammo mutaxassislar endilikda Oydan keltirilgan turli jinslardan topilgan suv molekulalarini o’rganib chiqishdi. Xulosa esa avvalgilarini inkor etmoqda. Oyning ko’plab hududlarida obihayot bor ekan.
Ma’lumki, oyda muzlarning mavjudligi, ammo u suv suyuq holda bo’lmasligi, aniqrog’i muz quyosh issig’ida bug’lanib ketadi, degan xulosalar avvalroq ham berilgan.
Oyda bor deb taxmin qilinayotgan suv muz holatida Oyning quyosh nurlari tushmaydigan kraterlari va qutblaridagina saqlanib qolgan. Olimlar hatto o’sha muzlar bu yerga kelib manzil quruvchi insonlarni suv bilan ta’minlashi mumkin, degan farazlarni ham bildirishmoqda.
Ekspertlarning kuzatishicha, ayrim Oy jinslarida suv miqdori boshqasiga qaraganda ko’proq. Buning sababi esa uning qanday hududdagi namunalardan olingani bilan bog’liq.
Amerikalik tadqiqotchilar Oydagi diametri 98 kilometr va chuqurligi 4 kilometr bo’lgan Kabeo krateridan ma’lum miqdordagi suvni topishgan. Mazkur krater Yer tabiiy yo’ldoshining janubiy qutbida joylashgan bo’lib, u yerga hech qachon quyosh nuri tushmaydi.
