Nomi bor-yo’g’i bitta harfdan iborat daryo yoki qishloq haqida hech eshitganmisiz? Qanchalik g’ayritabiiy tuyulmasin, shunday joylar ham uchrab turadi. Marhamat, ularning ayrimlari bilan tanishing.
“A” qishlog’i, Norvegiya
Norvegiyada joylashgan oddiy baliqchilar qishlog’i va ayni paytda mo’jaz sayyohlik markazi ham.
“D” daryosi, AQSH
AQSHning Oregon shtati hududidan oqib o’tuvchi bu daryoning nafaqat nomi eng qisqa, balki o’zi ham dunyodagi eng qisqa daryo bo’lib, uzunligi bor-yo’g’i 130 metrdan iborat.
“O” tepaligi, Daniya
Yutlandiyaning g’arbiy qismida joylashgan bu tepalik nomi dat tilidan tarjima qilganda “orol” degan ma’noni anglatar ekan.
“E” daryosi, Buyuk Britaniya
Uzunligi 10 kilometrni tashkil etadigan bu daryo Shotlandiya tog’liklari aro oqib o’tadi.
“A” qishlog’i, Shvetsiya
Bu qishloqda tahminan 200 kishi istiqomat qiladi. Nomi esa “irmoq” yoki “jilg’a” degan ma’noni anglatar ekan.
“I” qishlog’i, Fransiya
Fransiya shimolida, Amiens shahridan 50 kilometr uzoqlikda joylashgan.