Google kompaniyasi xabar berishicha Google+ ijtimoiy tarmog'ida surat taxrirlashning yangi asboblari ishlab chiqiladi. Bu asboblar o'tgan yili sotib olingan Snapseed tomonidan ishlab chiqilgan. Ushbu asboblar tarkibiga tahrirlash va qayta tiklash uchun mo'ljallangan katta hajmdagi elementlar to'plami kiradi.
Yangi imkoniyatlardan faqatgina Android va iOS, shuningdek Chrome brauzeri foydalanuvchilari to'liq rohatlanishlari mumkin. Qolgan brauzerlarda imkoniyatlar ancha kamroq.
Shu yilning may oyida Google o'zining ijtimoiy tarmog'ida Auto Enhance imkoniyatlarini tekshirib ko'rdi. Uning yordamida rasmni keng hajmda avtomatik tarzda tahrirlashni amalga oshirish mumkin edi. Lekin buning barchasi avtomatik edi.
Yangi uskuna rasmning belgilangan hududiga ixtiyoriy tarzda ishlov berishni ta'minlaydi. Masalan, osmonning havorang tusini qolgan yerlarga o'zgarish qilmasdan yanada yorqinroq qilish mumkin.
Chrome brazuzerida bo'lmagan foydalanuvchilar uchun faqat rasmni qirqish va og'dirish imkoniyatlari mavjud. Barcha brauzerlarda ortga qaytarish va barcha o'zgarishlarni bekor qilish ammallari mavjud.
Yangi imkoniyat barcha foydalanuvchilarga taqdim etiladi va har bir joylangan suratning «Правка» menyusidan joy oladi.
Hozirgi kunda Google ning mobil platformalar bozoridagi o'rni ancha yuqori: Android iOS ni ancha ortda qoldirib ketgan. Endi Google afsonaviy Facebook dan kamroq darajada ta'nilgan ijtimoiy tarmog'ini foydalanuvchilarga boyitish payida.
Yangi imkoniyatlar haqidagi videoni ushbu ulanma orqali tomosha qilishingiz mumkin.
Manba:Hi-news.ru