Tayvanning HTC kompaniyasi ish o'rinlarini qisqartirib, shu bilan birga ishlab chiqariladigan modellar miqdorini ham kamaytirmoqchi . Bu haqda Reuters agentligi xabar bermoqda.
Bu qadam kompaniyani yuqori narx segmentidagi mahsulotlar ishlab chiqarishga qayta yo'naltirish hamda Samsung va Apple kompaniyalari bilan raqobatga kirishish maqsadida tashlanmoqda.
“Kompaniya xarajatlarining kamaytirilishi keyingi yilning birinchi choragiga qadar davom etadi”, – dedi moliyaviy direktor Chialin Chang.
Oxirgi bir necha yil mobaynida kompaniyaning bozordagi ulushi qisqarib bormoqda. Bunga nafaqat Samsung va Apple, balki arzon smartfonlar bozorida ko'payib ketgan Xitoy kompaniyalari ham sabab bo'ldi.
