Eronda HTC Desire Eye smartfoni ustida krash-test o‘tkazishdi, deya xabar bermoqda “Mail.ru”. Ushbu tajribaning boshqalardan farqi shundan iborat bo‘ldiki, mualliflar smartfonning chidamliligini Tehron hayvonot bog‘ida sinovdan o‘tkazdi.
Dastlab standart drop-testlar kompleksi o‘tkazildi: smartfonni yonboshi, orqa paneli va ekrani bilan yerga tashlashdi. Ekrani darz ketib, korpusi ham bir necha joyidan zarar ko‘rgan smartfon ishlashda davom etdi. Shundan so‘ng uni hayvonot bog‘idagi fil oyog‘i ostiga tashlashga qaror qilishdi.
Ustidan fil yurib o‘tgach, smartfonni tekshirib ko‘rishdi: u hali ham ishlab, o‘z funksiyalarini saqlab qolgan edi.
