“Sony Computer Entertainment” (SCE) bergan xabarga ko'ra, PlayStation 4 taqdim etilganidan boshlab 18,5 million donadan ko'proq sotilgan. Sony PS4 avvalgi uch “PlayStation”ning natijalarini yaxshilab, yana bir bor eng tez sotiladigan o'yin sistemasi nomiga loyiq ekanini isbotladi.
Sony bergan ma'lumotlarga ko'ra, 4,1 million dona PlayStation 4 “qora juma” kunidan 31 dekabrga qadar sotilgan.
PlayStation 4 uchun mo'ljallangan o'yinlarning sotuv hajmi ham yuqori darajada. PS4 taqdim etilganidan boshlab 81,8 mln nusxadagi o'yinlar butun dunyo bo'ylab sotilgan.
“Biz dunyo bo'ylab “PS4”ni tanlayotgan mijozlarning ko'pligidan xursandmiz. Biz qiziqarli o'yinlar yaratish hamda qo'shimcha xizmatlar spektrini kengaytirish evaziga PlayStation 4 platformasini yaxshilashni davom ettiramiz”, – deydi Sony Computer Entertainment prezidenti Endryu Xaus.