2014 yili PlayStation brendi 20 yoshga to'lishi munosabati bilan Sony kompaniyasi PlayStation 4 konsolining cheklangan miqdorda chiqariladigan nusxasini yaratdi. Konsolning yagona o'ziga xosligi uning 1994 yilda chiqarilgan birinchi avlod konsolining rangida ekanligidir. Uskuna 12 300 dona miqdorida chiqarilgan. Uning dastlabki nusxalari eBay onlayn resursida 20 ming dollarga sotilgan, deb xabar bermoqda Hi-news.ru
Mahsulotning xaridorgirligini ko'rgan Sony kompaniyasi 20th Anniversary seriyasining 00001 raqamli dastlabki nusxasi Yahoo Auctions’da kim oshdi savdosiga qo'yildi. Konsol yaponiyalik kompyuter o'yinlari ishqibozi tomonidan 15 135 000 yen, ya'ni 129 ming dollarga sotib olingan. Kim oshdi savdosidan tushgan mablag' Save The Children Japan bolalar xayriya jamg'armasi hisobiga o'tkazib berilishi ma'lum qilindi.