* Napoleon aylurofobiya — mushuklardan qo'rqish dardiga duchor bo'lgan.
* Eynshteyn jon berayotganida uning so'nggi so'zlari ham o'zi bilan birga ketgan — yonida o'tirgan ayol nemischaga tushunmagan.
* Shekspir va Servantes bir kunda vafot etishgan — 1616 yilning 23 aprelida. * Ingliz yozuvchisi Virjiniya Vulf asosan kitoblarini tikka turgan holda yozgan ekan.
* Uolt Disney bolaligida bir boyqushni qiynab o'ldirgan. Shundan so'ng u jonivorlarni multfilmlarda «tiriltirish»ga kirishgan.
* Betxoven qulog'i yaxshi eshitmasada, dunyoni larzaga keltiruvchi musiqalar yarata olgan va «sayoqligi uchun» qamoqqa ham olingan.
* Jorj Vashington tomorqasida marixuana etishtirgan.
* Telefon kashfiyotchisi Aleksandr Bell onasi va xotiniga biron marta ham qo'ng'iroq qilmagan — sababi ular gung bo'lishgan.
* Janubiy afrikalik siyosiy arbob Yan Xristian Smets 5000ta kitobning matnini yoddan bilgan, birmalik Visittabm Vumsa 1974 yilda 6000 sahifalik budda matnlarini yoddan aytib bergan. Anqaralik Mehmed Ali Xolisiy 1967 yilning 14 oktyabrida olti soat davomida Qur'onni yoddan aytib bergan. Xitoylik Gu Yanlin 26 yoshida Xarbin shahridagi 15 mingta telefon raqamini yoddan aytgan. Tasmaniyalik ma'lumotlar xizmati operatori Paula Prentis 128 603 abonentning telefon raqami, ismi, manzili, muassasasini yoddan ayta olgan.
* Amerikalik Barbara Mur 1852 ta qo'shiqni pianinoda yoddan ijro etgan. Uning \"kontserti\" 1988 yilning 25 oktyabridan 13 noyabrigacha davom etgan!
* Angliyalik Dominik O Brayenga dunyoning barcha kazinolariga kirish taqiqlangan. U qartalarni yodlab olib, kazinodan katta pul yutib chiqib ketishi mumkin. Bundan tashqari, Dominik bir soatda 300tagacha xorijiy so'zni yodlashi mumkin. 1994 yilda o'tkazilgan xotira bo'yicha chempionatda u 15 daqiqada 152ta xitoycha so'zni eslab qolib, g'olib bo'lgan.
