Braziliyada o‘tayotgan jahon chempionati nafaqat bir-biridan qiziqarli o‘tayotgan o‘yinlari bilan balki yangilanayotgan rekordlari bilan ham yodimizda qolmoqda. Ushbu maqolada biz sizning e’tiboringizga aynan Braziliyada o‘tayotgan Jahon chempionatida qayd etilgan 6 ta rekord haqida ma’lumot beramiz.
“Ijtimoiy” Jahon chempionati
Ushbu jahon chempionati davomida Twitter va Facebook ijtimoiy tarmoqlarda fikr qoldirish orqali foydalanuvchilar juda ko‘plab rekordlar o‘rnatishmoqda.
Xabaringiz bor nimchorak final bahsida Braziliya va Chili terma jamoalari o‘rtasidagi g‘olibni penaltilar seriyasida aniqlashga to‘g‘ri keldi. Ushbu penaltilar seriyasi vaqtida tvitter foydalanuvchilari 16 million 400 ming tvit qoldirib rekord o‘rnatishgan bo‘lsa, Chili termasi a’zosi Gonsalo Xara so‘nggi penaltini tepayotgan vaqtda foydalanuvchilar 388,985 ta tvit qoldirishdi va Xaraning penaltini amalga oshirolmagan jarayoni ijtimoiy tarmoqlarda eng ko‘p muhokama qilingan voqea sifatida (hozircha!) qayd etildi.
Shuningdek, feysbuk ijtimoiy tarmog‘ida foydalanuvchilar ushbu Jahon chempionati haqida bir milliarddan ko‘proq fikr qoldirib rekord qayd etishdi.
Gollar
Guruh bahslarida kirtilgan gollar bo‘yicha ham Braziliyada rekord qayd etildi. Ushbu jahon chempionatida sizu biz guruh bahslarining o‘zida 136 ta gol ko‘rishga muvaffaq bo‘ldik. Bundan avvalgi rekord Janubiy Koreya va Yaponiya maydonlarida o‘tkazilgan mundial bahslarida qayd etilgan va unda jamoalar guruh bahslarida 130 ta gol kiritishgsha muvaffaq bo‘lishgan edi.
Shuningdek, Pol Pogbaning nimchorak finalda Nigeriya darvozasiga urgan goli ushbu jahon chempionatidagi 146 gol sifatida yozildi va bu gol Janubiy Afrikadagi butun musobaqa davomida kiritlgan gollardan o‘tib ketdi.
Mondragon va Milla
Kolumbiya terma jamoasi ushbu JChda nafaqat o‘zining chiroyli o‘yinlari bilan balki rekordi bilan ham muxlislar yodida qoladigan bo‘ldi.
Ushbu terma jamoaning guruh bahslarida Yaponiya bilan o‘yinidan uch kun avval o‘zining 43 yoshini nishonlagan darvozabon Farid Mondragon maydonga tushdi va bu bilan u kamerunlik hujumchi Rojer Millaning 1994 yilgi mundialda o‘rnatgan rekordini yangilab, JChlari tarixidagi eng yoshi katta futbolchiga aylandi.
Papastatopulos va Jo
Gretsiya terma jamoasi nimchorak finalda Kosta-Rika teoma jaosiga mag‘lub bo‘lgani uchun muxlislar ranjigandir, biroq ushbu terma jamoadagi futbolchi Sokratis Papastatopulos aynan Kosta-Rika bilan bahsda rekord qayd etdi. Gap shundaki, Papastatopulos Kosta-Rika bilan o‘yinning qo‘shimcha bo‘limlarida gol kiritish orqali, JChlari tarixidagi eng familyasi uzun to‘purarga aylandi .
Shuningdek, braziliyalik hujumchi Jo JChlar tarixidagi eng qisqa ismli futbolchi sifatida qayd etildi.
Gyan – afrikaliklar to‘purari
Gana terma jmaoasi ham guruh bahlaridayoq Braziliyani tark etishiga qaramay, ushbu terma jamoa a’zosi Asamoa Gyan rekord o‘rnatdi. Guruh bahslarining so‘nggi turida Gana termasi Portugaliya bilan bahs olib bordi va 2-1 hisobida mag‘lubiyatga uchradi. Ushbu o‘yinda ganaliklarning yagona goliga Gyan mualliflik qildi va bu uning uchinchi mundialidagi 6 goli edi. Ushbu golni urish orfqali Gyan afrika qit’asining JChlarida eng ko‘p gol kiritgan futbolchisiga aylandi. Bungacha u o‘tgan Jahon chempionatida Germaniya darvozasiga beshinchi golini kiritib Millaning rekordini yangilagan edi.
Rekordchi hakam
O‘zbekistonlik FIFA referisi Ravshan Ermatov Kosta-Rika va Gollandiya termalari o‘rtasidagi chorak final uchrashuvini boshqarib, futbol bo‘yicha jahon chempionatlari rekordini o‘rnatdi.
Ravshan Ermatov 2010-yil JARda bo‘lib o‘tgan futbol bo‘yicha jahon chempionatida beshta uchrashuvga hakamlik qilgan edi. Braziliyada bo’lib o’tayotgan JCh da 4 ta o’yinga hakamlik qilib, jahon chempionatlarida to‘qqizta o‘yinga hakamlik qilgan tarixdagi birinchi arbitrga aylandi.