Aktrisa va rejissyor Anjelina Joli hech qachon ona bo`lishni istamaganligini, ammo ilk etim bolani boqib olganda, hayoti batamom o`zgarib ketganligini bildirdi. Bu haqda “Gazeta.ru” xabariga asoslanib "Darakchi" ma'lum qildi.
“Farzand ko`rishni, homilador bo`lishni, ona bo`lishni istamaganim g`alati holat. Hech qachon bola bilan uyda o`tirishni, ona bo`lishni tasavvur qilolmasdim”, – dedi Joli yuzda tabassum bilan. Anjelina Kamboja maktablaridan biridagi bolalar bilan o`ynab o`tirarkan, birdan uning xayoliga uning o`g`li shu mamlakatda yashashi haqidagi fikr keladi va 2002 yilda kambojalik Meddoksni farzandlikka oladi. Oradan bir yil o`tgach, Joli uning sharafiga Battambang viloyatida jamg`arma ochadi.
Ayni kunda aktrisa Kambojada “Ular avval otamni o`ldirishdi” nomli filmda suratga tushdi. Bu film “Ular avval otamni o`ldirishdi: Kambojalik qizning xotiralari” asari asosida suratga olinmoqda. Bu ishda Joliga o`g`illari Meddoks va Paks yordam bermoqda. Joli turmush o`rtog`i Bred Pitt bilan 14 yoshli Meddoksni, 12 yoshli Paksni, o`n yoshli Zaxarni, to`qqiz yoshli Shayloni va etti yoshli egizaklar Noks va Vivenni tarbiyalashmoqda.
