Tara Air kompaniyasining Nepal tog‘larida qulagan kichik yo‘lovchi samolyoti bortida bo‘lgan barcha halok bo‘ldi. Bu haqda, mamlakat turizm vazirligi bayonotiga tayanib, “TASS” xabar bermoqda.
“Samolyot bortida bo‘lgan barcha yo‘lovchilar halok bo‘ldi”, – deyiladi bayonotda.
Ilgariroq xabar qilinganidek, Tara Air aviakompaniyasining Twin Otter samolyoti dispetcherlar bilan aloqani yo‘qotib qo‘ygan, shundan beri undan xabar olish imkoniyati bo‘lmagan. Bortida 18 yo‘lovchi va 3 nafar ekipaj a’zosi bo‘lgan samolyot Pokxaradan Jomsom shahriga parvozni amalga oshirayotgan edi.
