Finlyandiyaning Nokia kompaniyasi Fransiyaning Alcatel-Lucent telekommunikatsion kompaniyasini 15,6 milliard yevroga sotib olish uchun AQSh Federal savdo komissiyasidan ruxsat oldi, deya xabar bermoqda “News.rambler.ru”.
Nokia o‘z raqobatdoshini xarid qilishi haqida apreldayoq ma’lum qilgan edi. Oldi-sotdi har ikkala kompaniya direktorlar kengashi tomonidan ma’qullandi.
Nokia oldi-sotdi bitimini 2016-yil birinchi yarmida yopishni rejalashtirmoqda. Ushbu qo‘shilish sohada 1999-yilda Lucent Technologies kompaniyasi Ascend Communications’ni 21 milliard dollarga sotib olganidan buyon eng yirigi bo‘lishi mumkin.
Yangi shakllanadigan korxona Nokia brendi ostida faoliyat yuritishda davom etadi, biroq tadqiqotlar va ishlab chiqishlar sohasidagi faoliyati uchun Alcatel-Lucent’s Bell Labs nomini saqlab qoladi.
