NetIndex kompaniyasi tomonidan dunyo mamlakatlaridagi internet tezligi bo‘yicha tuzilgan reytingda O‘zbekiston 188 davlat ichida 171-o‘rinni band qilib turibdi.
Ma’lum bo‘lishicha, bizdagi internet aloqasi (faqat mobil internet emas, balki ADSL, FTTx, dial-up texnologiyalari ham hisobga olingan) tezligi bir soniyada 2,44 Mb ni tashkil etadi.
Ro‘yxatda 68,99 Mb tezlik bilan Gongkong yetakchilik qilmoqda. Rossiyada internet tezligi 21,12 Mb (30-o‘rin), Qozog‘istonda 13,90 Mb (52-o‘rin), Tojikistonda 12,46 Mb (56-o‘rin), Qirg‘izistonda 8,44 Mb (81-o‘rin)ni tashkil etmoqda.
Reytingning eng past ko‘rsatkichi (0,83 Mb) Burkina Faso(Afrika)ga tegishlidir.
Ta’kidlash joiz, o‘tgan yilning noyabr oyida O‘zbekistondagi internet aloqasi sifati hozirgidan yuqoriroq bo‘lib, reytingda 154-o‘rinni egallagan edi. O‘sha paytdagi internet tezligi bir soniyada 3,11 Mb ga teng bo‘lgan.
